Prezident Shavkat Mirziyoyev raisligida ilmga asoslangan urug&lsquo;chilik va agrotexnologiyalar hisobiga paxta ishlab chiqarish hajmini oshirish hamda paxtani chuqur qayta ishlash asosida to&lsquo;qimachilik mahsulotlari eksportini ko&lsquo;paytirish chora-tadbirlari yuzasidan videoselektor yig&lsquo;ilishi boshlandi.
Yig&lsquo;ilishda&nbsp;ilmga asoslangan urug&lsquo;chilik va agrotexnologiyalar hisobiga paxta hosildorligi va hajmini kamida 30 foizga oshirish hamda paxtani chuqur qayta ishlab, soha&nbsp;eksportini kamida 2 baravarga ko&lsquo;paytirish muhokama qilinmoqda.
&nbsp;
<blockquote>
&laquo;Bu &ndash; iqtisodiyotimiz uchun juda katta imkoniyat va zaxiradir. To&lsquo;qimachilik bizga kam xarajat bilan oltindan ham ko&lsquo;p daromad keltiradigan soha hisoblanadi.
Shuning uchun biz sohada to&lsquo;liq klaster tizimini joriy etdik. Bugungi kunda paxta tolasini o&lsquo;zimizda 100 foiz qayta ishlash yo&lsquo;lga qo&lsquo;yildi (besh yil avval 40 foiz tola qayta ishlangan).
Sohani qo&lsquo;llab-quvvatlash uchun so&lsquo;nggi uch yilda to&lsquo;qimachilik klasterlariga 23 trln so&lsquo;mdan ziyod imtiyozli mablag&lsquo;lar ajratildi. Bundan tashqari, klasterlarning o&lsquo;zlari ham qariyb 7 trln so&lsquo;m xususiy investitsiyalar yo&lsquo;naltirdilar. Natijada 350 ga yaqin yirik fabrikalar ishga tushirildi.
Ishlab chiqarish hajmi 5 barobarga oshdi, eksport esa 4 barobarga o&lsquo;sib, qariyb 3 mlrd dollarga yetdi&raquo;,&nbsp;<a href="https://t.me/Press_Secretary_Uz/1985" target="_blank" rel="noopener">dedi</a> prezident.
</blockquote>
&nbsp;
Bugungi kunda tolani qayta ishlash quvvatlari 1 million 300 ming tonnaga yetgani, lekin 1 million tonna tola ishlab chiqarilayotgani ta&rsquo;kidlandi.
Ya&rsquo;ni hozirning o&lsquo;zida 300 ming tonna tola yetmayapti. Kelgusi besh yilda bu ehtiyoj yana 600 ming tonnaga oshadi. Shundan 300 ming tonnasi sun&rsquo;iy tola bo&lsquo;lsa, yana kamida 300 ming tonna paxta tolasi zarur.
&nbsp;
<blockquote>
&laquo;Nima uchun Turkiyaning paxta maydoni bizdan 2 karra kam bo&lsquo;lsa-da, tolani deyarli teng hajmda ishlab chiqaradi? Buning asosiy sababi - hali ilmga, zamonaviy texnologiyalarga joylardagi rahbarlarning e&rsquo;tibori va mas&rsquo;uliyati past&raquo;, dedi prezident.
</blockquote>
&nbsp;
Davlat&nbsp;rahbari qayta ishlash borasidagi ishlar ahvoliga to&lsquo;xtaldi.&nbsp;
Ip-kalavani tayyor mahsulotgacha qayta ishlash darajasi mamlakatimizda 23 foizni tashkil etadi. Buning oqibatida yiliga 9 milliard dollar daromad boy berilmoqda.
Agar mutasaddilar tuman hokimlari va klasterlar bilan ishlarni to&lsquo;g&lsquo;ri tashkil qilsa, to&lsquo;qimachilikdagi ish o&lsquo;rinlarini hozirgi 400 mingdan bemalol 1 millionga ko&lsquo;paytirish imkoniyati borligi ko&lsquo;rsatib o&lsquo;tildi.
Prezident topshirig&lsquo;iga ko&lsquo;ra tarmoq korxonalari, klasterlar, olimlar bilan bir necha bor uchrashuvlar o&lsquo;tkazildi. Ularda bildirilgan fikr va takliflar asosida aniq yechimlar belgilab olindi.
&nbsp;
Birinchisi &ndash; paxta hosildorligini oshirish bo&lsquo;yicha yangi tizim joriy qilinadi.
Misol uchun, To&lsquo;rtko&lsquo;ldagi &laquo;Agro To&lsquo;rtko&lsquo;l tekstil&raquo; hamda Ellikqal&rsquo;adagi &laquo;Bo&lsquo;ston&raquo; klasterlari bir gektarga o&lsquo;rtacha 4-5 million so&lsquo;m sarflab, hosildorlikni 2019 yildagi 23 sentnerdan 2021 yilda 40 sentnerga ko&lsquo;paytirgan. Bu yil esa Qoraqalpog&lsquo;iston sharoitida gektaridan 33 sentnerdan hosil oladi.
Lekin o&lsquo;tgan yili respublika bo&lsquo;yicha 121 ta paxta-to&lsquo;qimachilik klasteridan 18 tasida hosildorlik 25 sentnerdan kam bo&lsquo;lgan.
Sababi, urug&lsquo;chilik, yerga ishlov berish, o&lsquo;g&lsquo;itlash, sug&lsquo;orishda jiddiy muammo va kamchiliklar bor.
Atigi 21 ta klasterda urug&lsquo;chilik sexlari mavjud. Chigitni tayyorlash (protravka) ham sanoqli klasterlarda yo&lsquo;lga qo&lsquo;yilgan.
Yer sifatini yaxshilash, urug&lsquo;chilik bo&lsquo;yicha bor-yo&lsquo;g&lsquo;i 6 ta klaster zamonaviy laboratoriya tashkil qilgan.
&nbsp;
<a href="https://kun.uz/uz/news/2022/06/28/hozirning-ozida-300-ming-tonna-tola-yetmayapti-paxta-hosildorligini-oshirish-boyicha-yangi-tizim-joriy-qilinadi">Manba</a>

Prezident raisligidagi yig‘ilishda ilmga asoslangan urug‘chilik va agrotexnologiyalar hisobiga paxta hosildorligi va hajmini kamida 30 foizga oshirish muhokama qilinmoqda.

Biz haqimizda

Murojaat