Prezident farmoni bilan, 22 xil toifadagi oziq-ovqat mahsulotlarini yil oxirigacha O&lsquo;zbekistonga olib kirishda import boji undirilmasligi belgilandi. Baliq va sut mahsulotlari, banan va sitrus mevalar, o&lsquo;simlik yog&lsquo;i va sariyog&lsquo;, tuxum va kofe shular jumlasidan.
Moliya vazirligi izohiga&nbsp;<a href="https://telegra.ph/%D0%8Ezbekiston-Respublikasi-Prezidentining-Istemol-bozorlarida-narhlar-bar%D2%9Barorligini-taminlashga-va-monopoliyaga-%D2%9Barshi-choralarnin-06-01">ko&lsquo;ra</a>, bugungi kunda O&lsquo;zbekistonning asosiy import hajmi MDH mamlakatlariga to&lsquo;g&lsquo;ri keladi va bu davlatlardan tovarlarni olib kirishda bojxona bojlari qo&lsquo;llanilmaydi.
Biroq jahonda yuzaga kelgan vaziyat tufayli asosiy savdo hamkorlar va boshqa mamlakatlar ayrim oziq-ovqat mahsulotlari eksportiga taqiq qo&lsquo;ymoqda.
Shu sababli O&lsquo;zbekistonga oziq-ovqat tovarlarini boshqa davlatlardan olib kelishga to&lsquo;g&lsquo;ri kelyapti. Ayrim oziq-ovqatlarga bojlarning bekor qilinishi shu bilan bog&lsquo;liq. Qolaversa, import oziq-ovqatlarning narxi oshishining oldini olish ham maqsad qilingan.
2022 yil 1 maydan boshlab 2023 yil 1 yanvarga qadar O&lsquo;zbekistonga olib kirishda bojxona bojining nol stavkasi quyidagi tovarlarga nisbatan qo&lsquo;llanadi:
<img src="https://storage.kun.uz/source/8/APs1cAUL7EmKmYARKCkcq5Q_JjZGn4cv.png" alt="" />
<img src="https://storage.kun.uz/source/8/mYZVvxW9rPGiTqYnDCeIDMDT7WnD3cQf.png" alt="" />
Qo&lsquo;shimcha qilish lozim, prezidentning 2021 yil 30 dekabrdagi qaroriga asosan, 2022 yil oxirigacha quyidagi tovarlarni olib kirishda ham bojxona boji bekor qilingan:
<img src="https://storage.kun.uz/source/8/A72i8b4eoMZ-23DWD56De7t21o7No94l.png" alt="" />
Bundan tashqari, 2023 yil 1 yanvarga qadar savdo-iqtisodiy munosabatlarda eng ko&lsquo;p qulaylik berish rejimini nazarda tutmaydigan mamlakatlardan import qilishda bojxona bojlarining ikki baravar stavkasi qo&lsquo;llash tartibini to&lsquo;xtatib turish belgilandi.
<blockquote>
Ma&rsquo;lumot uchun, Bojxona kodeksining 300-moddasiga asosan, savdo-iqtisodiy munosabatlarda eng ko&lsquo;p qulaylik berish rejimi nazarda tutilmagan mamlakatlarda ishlab chiqarilgan tovarlarga nisbatan bojxona bojlarining stavkalari 2 baravar oshirilishi&nbsp;<a href="https://lex.uz/docs/2876354" target="_blank" rel="noopener">belgilangan</a>. Hozirda O&lsquo;zbekiston&nbsp;<a href="https://lex.uz/docs/4911943" target="_blank" rel="noopener">47 ta davlat</a>&nbsp;bilan eng ko&lsquo;p qulaylik rejimini yaratgan holda savdo-iqtisodiy hamkorlik qilish bo&lsquo;yicha bitim imzolagan.
</blockquote>
Endilikda bu davlatlardan import qilinadigan tovarlarga amaldagi boj tarif stavkalarining bir baravari miqdorida stavka qo&lsquo;llaniladi.
Ushbu chora tovarlarning importi qaysi davlatdan amalga oshirilishidan qat&rsquo;i nazar, yuqoridagi ro&lsquo;yxatdagi tovarlarga tatbiq qilinmaydi. Sababi, ular bo&lsquo;yicha bojxona boji nol stavkalari belgilandi hamda nol stavka tovarni istalgan mamlakatdan import qilishda qo&lsquo;llaniladi.
2023 yil 1 yanvarga qadar quyidagilar ham vaqtincha to&lsquo;xtatiladi:
<ul dir="ltr">
<li>davlat buyurtmachilari tomonidan davlat xaridlarida import qilinadigan oziq-ovqat mahsulotlari sotib olinishi bo&lsquo;yicha cheklovlar (hukumatning&nbsp;29.01.2021 yildagi 41-son qarori);</li>
<li>O&lsquo;zbekistonning import geografiyasi o&lsquo;zgarayotgani hamda ayrim davlatlardan import ilk marta amalga oshirilishi sababli respublikaga olib kiriladigan oziq-ovqat mahsulotlarini davlat tilida majburiy markirovka qilish tartibi.</li>
</ul>
Bu choralar kichik hajmlarda importni amalga oshiruvchilar uchun yangi savdo hamkorlari&nbsp;bilan mahsulotlarni yetkazib berishni yo&lsquo;lga qo&lsquo;yish uchun qo&lsquo;shimcha sharoitlar yaratadi.
Iqtisodiy taraqqiyot va kambag&lsquo;allikni qisqartirish vazirligiga nooziq-ovqat mahsulotlariga bojxona bojlari stavkalarini ham pasaytirish topshirildi.
&nbsp;
<a href="https://kun.uz/news/2022/06/01/22-turdagi-oziq-ovqat-mahsuloti-yil-oxirigacha-import-bojidan-ozod-qilindi">Manba</a>

Savdoga qo‘yilgan ayrim to‘siqlar vaqtincha yumshatildi.

Biz haqimizda

Murojaat