Abduvohid asalarichilar sulolasining uchinchi vakili. U asalari mahsulotlarini eng ko&lsquo;p eksport qilgan tadbirkor bo&lsquo;lib, nafaqat O&lsquo;zbekiston bo&lsquo;ylab, hatto qo&lsquo;shni respublikalarda ham taniqli bo&lsquo;lishga ulgurgan.
&ndash; Hozir 29 yoshdaman. 6-7 yoshimdan otamga asalari boqishda yordamlashar edim. Bahor, yoz mavsumlarida dam olish kunlari asalarilarni dalalarga olib chiqardik. Ularning bol yig&lsquo;ishini maroq bilan kuzatar edim. Men ham boshqalar kabi universitetda o&lsquo;qishni, oliy ma&rsquo;lumotli bo&lsquo;lishni xohlaganman. Afsuski, maktabni bitirganimdan so&lsquo;ng o&lsquo;qishga sharoitim bo&lsquo;lmadi, &ndash; deydi Abduvohid. &ndash; O&lsquo;qiy olmaganimga yarasha biror kasbning "etagidan" tutay deb otamga shogird tushdim. Bilmaganlarimni o&lsquo;rganib, bir muddat ular bilan ishladim. Keyinroq yetarlicha tajriba orttirib, 2016 yilda o&lsquo;zim mustaqil &laquo;Bag&lsquo;dod zamin asali&raquo; dehqon xo&lsquo;jaligiga asos soldim. 240 ta asalari oilasi bilan faoliyat boshladim. Hozirda asalari oilasi 1 ming 700 taga yetdi. Xo&lsquo;jaligimizda asalari yetishtirishdan tashqari eksportni ham yo&lsquo;lga qo&lsquo;ydim. Nolimayman, hozir daromadim yaxshi. 2021 yilda 10 tonna asal oldim. Bozorlarda eng arzon asal 50 ming so&lsquo;mdan 100 ming so&lsquo;mgacha sotilishini hisobga olsak, ushbu tarmoqdan olinajak daromad bir mavsumning o&lsquo;zida qariyb 500 million so&lsquo;m. Bundan tashqari, Rossiya, Qozog&lsquo;iston davlatlariga 43 ming 700 ta asalari paketini eksport qildim. Undan 120 million daromad qildim. O&lsquo;tgan yilda jami daromadim 620 milliondan oshdi. Inson qancha topishidan qat&rsquo;iy nazar, halol ishlashi kerak. Shundagina ishida, topgan pulida, oilasida baraka bo&lsquo;ladi.
<img src="https://api.assalomagro.uz/api/uploads/file-3a37dcb35090c91dc7e6affb79a847c3.jpg" alt="" width="100%" />
&ndash; bugungi kunda asalarichilikka e&rsquo;tibor qay darajada, ushbu soha faoliyatida qanday to&lsquo;siqlar bor?
&ndash; Ta&rsquo;kidlash joizki, ilgari asalarichilik deyarli inqirozga yuz tutayotgan edi. Xususan, asalarichilik xo&lsquo;jaliklari o&lsquo;z faoliyatini to&lsquo;xtatgan, yangi naslli arilar deyarli kelmasligi natijasida olinadigan mahsulot salmog&lsquo;i ham kamayib borayotgan edi. So&lsquo;nggi yillarda bu sohaga nisbatan munosabat o&lsquo;zgardi. Davlatimiz rahbari tomonidan tegishli qarorlar qabul qilindi. Xususan, 2017 yil 16 oktyabrdagi &laquo;Respublikada asalarichilikni yanada rivojlantirish chora-tadbirlari to&lsquo;g&lsquo;risida&raquo;gi qaroriga asosan &laquo;O&lsquo;zbekiston asalarichilari&raquo; uyushmasi tashkil etildi.&nbsp;Hozirda mazkur uyushma ko&lsquo;magida asalarichilik bilan shug&lsquo;ullanish istagida bo&lsquo;lgan yoshlar va aholi o&lsquo;qitilib, amaliy va nazariy bilimlar berilmoqda. Shuningdek, kooperativ yondashuv bilan aholiga imtiyozli kreditlar asosida asalari uyalari tarqatilyapti.&nbsp;Qolaversa, uyushma tomonidan O&lsquo;zbekiston sharoitiga mos, zotli ona Asalarichilik-naslchilik xo&lsquo;jaliklarida ko&lsquo;paytirilyapti. Asalari oilalarining zotini yaxshilash bo&lsquo;yicha &laquo;Karpat&raquo; va &laquo;Karnika&raquo; zotli ona asalarilardan sifatli asalari oilalari yetishtirilmoqda.
<img src="https://api.assalomagro.uz/api/uploads/file-a0532bb348b520eac3ff8ba358ac46bc.jpg" alt="" width="100%" />
Ammo shuni ham aytish kerakki, bugungi kunda asalari&nbsp;boqish uchun joy muammosi bor. O&lsquo;rmon xo&lsquo;jaligi yerlaridan, cho&lsquo;l hududlaridan yetarlicha foydalanilmayapti. Agar samarali foydalanishga keng imkoniyatlar yaratilsa, bundan har ikkala tomon ham manfaat ko&lsquo;rar edi. Asalarilar o&lsquo;rmon xo&lsquo;jaligidagi dov-daraxt, giyoh va o&lsquo;simliklarning changlanishiga, hosildorlik ikki karra oshishiga hissa&nbsp;qo&lsquo;shar edi.
Bundan tashqari, paxta gullasa, asalarilarni dalalarga olib chiqamiz. Ko&lsquo;pchilik fermerlar paxtaga erta tongdan turli kimyoviy vositalar sepishi sabab arilari qirilib ketadi. Fermerlar dorini kechki vaqt &ndash; ari iniga kirganida asalarichilarni ogohlantirib sepsa, arilar nobud bo&lsquo;lmas edi.&nbsp;
&ndash; Asalarichilik sohasiga qiziqqan ishsiz yoshlar bilan hamkorlikni yo&lsquo;lga qo&lsquo;ygan ekansiz. Qancha yigit-qizlarni shu sohaga jalb qilgansiz?
&ndash; Asalari "yetti xazina"ning biri. Yaxshilab, e&rsquo;tibor bilan parvarish qilinsa, bir yilda uch marotaba mo&lsquo;l hosil olish mumkin. Bizning xo&lsquo;jaligimizga 250 ta MFY biriktirilgan. Shu kungacha 400ta asalari oilalarini 216&nbsp;nafar yosh oilalarga tarqatdik. Bundan tashqari, Farg&lsquo;ona, Andijon, Namangan viloyatlarida shu sohaga qiziqqan yoshlarga kooperativ yondashuv asosida asalarilar tarqatyapmiz. Tengdoshlarimga asalarini parvarishlash, uning kasalliklariga qarshi profilaktikasi, sifatli mahsulot olish sirlarini o&lsquo;rgatib, yetishtirgan mahsulotlarini sotishga ham yordamlashaman. Umuman olganda, shu vaqtga qadar jami 500 ga yaqin tengdoshimni ish bilan ta&rsquo;minladim. Ular ham soha serdaromad ekanini tushunib yetdi. Xo&lsquo;jaligimizda endi ish boshlagan ishchiga 1 yarim milliondan, 2-3 yillik tajribaga ega ishchilarga 4 yarim milliongacha maosh beramiz.&nbsp;
<img src="https://api.assalomagro.uz/api/uploads/file-f7822019951724ceb20ea2fc56738dcf.jpg" alt="" width="100%" />
&ndash; Bu yil rejalaringiz qanday?
&ndash; Rejalarim katta. Asalari paketlari eksportini 100 mingtaga yetkazish niyatidamiz. Asalari uyasini 2, 500 taga yetkazib, 20 tonna asal yetishtirish ustida ishlayapmiz. Shu bilan birga, yangi ish o&lsquo;rinlarini tashkil etib, ishsiz tengdoshlarimni ish o&lsquo;rni bilan band etish.
&ndash; Shu sohani tanlaganingizdan hech afsuslangan vaqtingiz ham bo&lsquo;lganmi?
&ndash; Yo&lsquo;q. Shu soha bilan ro&lsquo;zg&lsquo;or tebratyapman. Bundan besh yil oldin, ishni endi boshlagan vaqtlarimda bitta "moskvich" mashinamiz bor edi. Arilarni o&lsquo;sha mashinada dalalarga tashirdik. Hozirda "Gentra", "Cobalt", "Lacetti" va arilarni tashish uchun alohida "Mersedes"&nbsp;yuk mashinasini sotib oldik.&nbsp;
Bundan tashqari, Toshkent shahridan uylar olib, hovli qurdik, to&lsquo;ylar qildik. Kasbimdan nolimayman, faxrlanaman. Erishgan yutuqlarim ko&lsquo;p: 2021 yil 30 iyun &ndash; &laquo;Yoshlar kuni&raquo;da eng ko&lsquo;p eksport qilgan eksportyor sifatida O&lsquo;zbekiston Respublikasi Prezidenti qo&lsquo;lidan &laquo;Shuhrat&raquo; medalini oldim.
Mening ozgina mehnatimga juda katta baho beriladi, deb o&lsquo;ylamagan edim. Prezidentimizning yuksak ishonchi meni bundan-da ulkan marralarga undaydi.
 <a href="https://uza.uz/oz/posts/asalari-mahsulotini-eng-kop-eksport-qilgan-tadbirkor-u-620-mln-daromad-topib-500ga-yaqin-tengdoshini-ish-bilan-taminlagan_353213">Manba</a>

Ba’zi yoshlarning "yaxshi ish yo‘q", deya nolishi tez-tez quloqqa chalinadi.
Farg‘ona viloyati Buvayda tumani, «Olchin» mahallasida yashovchi Abduvohid Ubaydullayev esa ﻿chekka qishloqning kichik imkoniyatlardan foydalanib, katta tadbirkorlikka qo‘l urdi.

Biz haqimizda

Murojaat