&nbsp; &nbsp;Kurash choralari:&nbsp;Kasallikni yo&lsquo;qotish uchun 2-3 % li Nitrofen, oldini olish uchun 2-4 % li Bordo suyuqligi, o&lsquo;suv davrida 0,15-0,20 % li Bayleton, 0,5 % li Vektra, 1 % li Topsin-M preparatlari bilan 10-12 kun oralatib 3 martagacha ishlov beriladi.
&nbsp; &nbsp;Monilioz kasalligi.&nbsp;Bu kasallikni Monilia fructigena Pers takomillashmagan zamburug&lsquo;i chaqiradi. Asosan olma va nok mevalari zararlanib, kichkina qo&lsquo;ng&lsquo;ir dog&lsquo;lar hosil bo&lsquo;ladi va tezda mevani qoplaydi. Bujmayib, mumlanib qolgan mevalar daraxtda qolib infeksiya manbai bo&lsquo;lib xizmat qiladi. Hosilni 50-70% gacha nobud qiladi.
&nbsp; &nbsp;Kurash choralari:&nbsp;Kalmaraz kasalligiga o&lsquo;xshash bo&lsquo;lib, birinchi marta barg yozganda, ikkinchi marta gullash oldidan, uchunchi marta gullagandan keyin ishlanadi. Gullashdan oldin 1 % li Bordo suyuqligi, keyin 0,5 % li ISO, mis kuporosi (15-20 kg/ga) qo&lsquo;llaniladi.
&nbsp; &nbsp;Olma va nok zang kasalligi.&nbsp;Chaqiruvchisi olma daraxtida &ndash; Gymnosporangium tremelloides Hartig, nokda esa &ndash; Gymnosporangium sabinae (Dicks) Wint zamburug&lsquo;i hisoblanadi. Kasallik barg, barg bandi, novda va mevani zararlaydi. Bunda barglarda yumaloq yashil sarg&lsquo;ish dog&lsquo;lar hosil bo&lsquo;lib, keyinchalik dog&lsquo;lar qizil tusga kiradi.
&nbsp; &nbsp;Kurash choralari:&nbsp;0,2 % li Vektra, 0,5-1,0 % li Topsin-M preparatlari bilan ishlov beriladi.
&nbsp; &nbsp;Teshikli dog&lsquo;lanish yoki klasterosporioz kasalligi.&nbsp;Kasallik bahorda paydo bo&lsquo;lib, uni Clasterosporium carpophilum Adern zamburug&lsquo;i chaqiradi. O&lsquo;simlik barg kurtaklari ochila boshlaganda yoqqan yomg&lsquo;irlardan so&lsquo;ng keyin barglarda yumaloq qo&lsquo;ng&lsquo;ir dog&lsquo;lar hosil bo&lsquo;lib, ular qurib qolgach tushib ketadi, natijada teshik joylar qoladi.
&nbsp; &nbsp;Kurash choralari:&nbsp;Kuzda va bahorda kurtaklar uyg&lsquo;onishgacha 3 % li Bordo suyuqligi, ohakning 8 % li suvli suspenziyasi bilan, o&lsquo;suv davrida gullash tugashi bilan 10-12 kun oralatib 3 martagacha 1 % li Bordo suyuqligi bilan ishlanadi.
&nbsp; &nbsp;Monilial qurish kasalligi.&nbsp;Bu kasallikning chaqiruvchisi Monilia cinerea Bon zamburug&lsquo;i hisoblanadi. Erta bahorda sovuqdan emas, balki zamburug&lsquo;dan daraxtning yosh meva shoxlari gullab bo&lsquo;lishi Bilan birdaniga so&lsquo;lib, qurib qoladi.
&nbsp; &nbsp;Kurash choralari:&nbsp;Kuzda yoki erta bahorda kurtaklar uyg&lsquo;onmasdan daraxtlarga 5 % li Bordo suyuqligi yoki ISO, 15-20 kg/ga mis kuporosi purkash, o&lsquo;suv davrida gullash fazasidan so&lsquo;ng 1 % li Bordo suyuqligi bilan ishlanadi. Zarurat bo&lsquo;lsa, 10-12 kundan so&lsquo;ng ishlov takrorlanadi.
&nbsp; &nbsp;Meva ekinlarining zararkunandalari va qarshi kurash choralari.&nbsp;Olma qurti. Barcha hududlarda olma, nok va behining asosiy zararkunandasi hisoblanadi. Hosilning 50% igacha zarar yetkazadi.
&nbsp; &nbsp;Kurash choralari:&nbsp;Karbofos yoki benzofosfat, Zolon(100 litr suvga 200-300 gramm hisobida), bir gektarga esa 2,5-4,5 kg sarflanadi. Piretroidlardan &ndash; Simbush, Shirpa, Nurell &ndash; D, Ripkord (100 litr suvga 50-60 gramm hisobida) bir gektarga esa 0,6-2 litrgacha sarflanadi.
&nbsp; &nbsp;Olma kuyasi.&nbsp;Kuya qurtlari uyg&lsquo;onayotgan kurtaklarni, keyin esa barglarni ham yeb qo&lsquo;yadi. Qattiq zararlangan daraxtlar hosil qilmaydi. Qurtlar to&lsquo;p-to&lsquo;p bo&lsquo;lib yashaydi va bitta shoxning barglarini yeb bo&lsquo;lgach, hammasi gala bo&lsquo;lib, ikkinchi shoxga o&lsquo;tadi. Daraxtning butun shox-shabbalari o&lsquo;rgimchak to&lsquo;ri bilan qoplangandek bo&lsquo;lib qoladi.
&nbsp; &nbsp;Kurash choralari:&nbsp;Avaund (0,35 l/ga), Arrivo (0,16 l/ga), Siraks (0,16-0,32 l/ga), Shirpa (0,2 l/ga), Zolon (2,5-4,5 l/ga), Detsis (0,5 l/ ga), Nurell &ndash; D (0,5 l/ga) kabilar qo&lsquo;llaniladi.
&nbsp; &nbsp;Olma qon biti.&nbsp;So&lsquo;ruvchi zararkunanda bo&lsquo;lib, fevral-mart oyi boshida uyg&lsquo;onib, dastlab qishlagan joyida oziqlanadi, so&lsquo;ngra o&lsquo;rmalab chiqib daraxtning po&lsquo;stlog&lsquo;i yumshoq yoki zararlangan (shikastlangan) joylariga o&lsquo;rnashadi. U tez ko&lsquo;payadi va yoz bo&lsquo;yi 17-20 martagacha nasl beradi. Qanotsiz urg&lsquo;ochisining tanasi cho&lsquo;zinchoq, tuxumsimon, 2 mm uzunlikda oq mum g&lsquo;ubor bilan qoplangan, ezilganda qonga o&lsquo;xshash suyuqlik chiqadi. Daraxtning qon bitidan zararlangan joylarida shishlar hosil bo&lsquo;ladi.
&nbsp; &nbsp;Kurash choralari:&nbsp;Erta bahorda kurtaklar uyg&lsquo;onmasdan oldin daraxtlarga 3 % li Nitrofen yoki 3 % li preparat № 30 bilan ishlov beriladi. O&lsquo;suv davrida esa 3,0-3,5 l/ga Karbofos yoki 1,5-1,7 l/ga BI-58 yoki 3,0-3,5 l/ga Zolon preparatlari purkaladi.
&nbsp; &nbsp;Qalqondorlar. Mevali daraxtlarda binafsha tusli va kaliforniya qalqondori ko&lsquo;p uchraydi. Ular shox, novda va mevalarni so&lsquo;rib zarar yetkazadi, zararlangan novdalar nobud bo&lsquo;ladi, mevalarda dog&lsquo; hosil bo&lsquo;lib, ularning sifati pasayadi. Kaliforniya qalqondori olma tanasiga ko&lsquo;plab tushganda novdalar qing&lsquo;ir &ndash; qiyshiq bo&lsquo;lib o&lsquo;sadi, daraxt tanasi yorilib ketadi.
&nbsp; &nbsp;Kurash choralari:&nbsp;Erta bahorda kurtaklar uyg&lsquo;ongunga qadar 5 % li № 30 preparati yoki 3 % li Nitrofen purkash tavsiya etiladi.
&nbsp; &nbsp;Shuningdek, tomorqalardagi daraxtlarga 200 gramm kirsovunni 2 litr suvga eritib, so&lsquo;ng 800 gramm solyarka va unga 7 litr suv aralashtirilib daraxtlarga purkaladi.
&nbsp; &nbsp;O&lsquo;simlik bitlari (shiralari).&nbsp;Meva daraxtlariga olma yashil biti, shaftoli biti, qizil bo&lsquo;rtmali olma biti hamda boshqa turlardagi bitlar zarar keltiradi. Ular barg, novdalar va o&lsquo;suv nuqtalaridagi shirani so&lsquo;rib oziqlanadi, natijada barglar bujmayadi, shaklini o&lsquo;zgartiradi, muddatdan oldin to&lsquo;kiladi, novdalar o&lsquo;sishdan qoladi, shuningdek, bitlar shirasi bilan barglar ifloslanadi. Shira bilan zararlangan daraxtlar mevasi kichik bo&lsquo;lib, mazasi buziladi.
&nbsp; &nbsp;Kurash choralari:&nbsp;O&lsquo;suv davrida BI &ndash; 58 (1,5-2,0 l/ga), Detsis (0,5-1,0 l/ga), Karate (0,4-0,8 l/ga) yoki Karbofos (2,5-4,5 l/ga) purkaladi.
&nbsp; &nbsp;Kanalar.&nbsp;Mevali bog&lsquo;larda meva o&lsquo;rgimchakkanasi, nok kanasi, olma qizil kanasi kabi ko&lsquo;plab turdagi kanalar jiddiy zarar yetkazadi. Kanalar barglarni, bir yillik yosh novdalarni, o&lsquo;suv nuqtalarini hamda yosh g&lsquo;o&lsquo;ra mevalarni so&lsquo;rib zarar yetkazadi. Zararlangan mevalar dog&lsquo;lanib, sifati pasayadi. Novdalar esa rivojlanishdan orqada qolib, qishga va sovuqqa chidamliligi pasayadi.
&nbsp; &nbsp;Kurash choralari:&nbsp;Mevali daraxtlardagi kanalarga qarshi o&lsquo;suv davrida 1 % li ISO, Omayt (2,5-3 l/ga), maydalangan oltingugurt (25-35 kg/ga), Neoran (1,2 l/ga), Nissoran (0,2 kg/ga), Uzmayt (2,5-3,0 kg/ga), Ortus (0,75-1,0 l/ga) kabi akaritsidlarni qo&lsquo;llash tavsiya etiladi.
&nbsp;
&nbsp; &nbsp;<a href="http://karantin.uz/uz/news/biologik-va-kimyoviy-himoya-vositalarini-qollagan-holda-bog-va-tokzorolarni-himoya-qilish">Manba</a>

Meva ekinlarining kasalliklari va qarshi kurash choralari. Olma va nok kalmarazi (parshasi). Bu kasallikni olmada Vinturia inaegualis (Cooke) Wint zamburug‘i chaqirib, nokda esa Vinturia pirina Aderh zamburug‘i parazitlik qiladi. O‘simlik bargi, mevalari, nokda novdalari ham zararlanadi. Barglar yozilishi bilan och rangli moysimon dog‘lar hosil bo‘lib, so‘ngra qorayadi, to‘q rangli baxmalsimon g‘ubor bilan qoplanadi. Mevalarda qora kul rangli yumaloq dog‘lar hosil bo‘lib, po‘kaklanadi.

Biz haqimizda

Murojaat