Bunda bog‘-tokzorlar yerini haydashdan oldin 5–10 tonna mahalliy o‘g‘it solib, bog‘ qator oralari 25–30 sm chuqurlikda haydaladi.&nbsp;&nbsp;Yangi bog‘ va tokzorlar barpo etishga ajratilgan yerlarga 30–40 tonna mahalliy o‘g‘it hamda 300–400 kg fosfor va kaliyli o‘g‘itlar solib, tuproq 40–50 sm chuqurlikda haydaladi.&nbsp;&nbsp;Bog‘ va tokzorlar uchun ajratilgan yerlar agar sho‘rlangan bo‘lsa, dekabr hamda yanvar oylarida gektariga 10–12 ming kub suv sarflangan holda yuviladi. Hosilli bog‘larda tuproq qatlami chuqur bo‘lgan bo‘z tuproqlarda yoz davomida suvni tejash va kerakli qatlamda namlik darajasini me’yorda saqlash maqsadida, qish oylarida qishki nam yig‘ish, ya’ni yaxob suvi bilan sug‘orish zarur. Dekabr va yanvar oylarida bir martadan gektariga 1500–2000 m³ miqdorda sug‘orilganda namlik 1,5–2 m chuqurlikka yetadi. Bu o‘z vaqtida erta bahorgi (qish quruq kelgan yillar) sug‘orishdan va yoz oyida bir-ikki marotaba suv miqdorini tejashga imkon beradi.&nbsp;&nbsp;Bog‘larda oxirgi yillari keng tarqalgan manilioz, klyastereosporioz, parsha, daraxt tanalarini shikastlaydigan rak kasalliklariga qarshi ishlov berishga jiddiy e’tibor berish zarur. Bunda bordo suyuqligining 3–4 foizli suspenziyasi bilan daraxtlarni jiqqa ho‘llash kerak.&nbsp;&nbsp;Bordo suyuqligining o‘rniga 1 foizli mis kuporosi yoki 3 foizli temir kuporosini sepsa ham yaxshi natija beradi. Ma’lumki, kasallik belgilari barglarda saqlanadi. Shuning uchun barcha bog‘larda daraxt atrofidagi tuproq ag‘darilib chopilishi va shu yo‘l bilan barglar yo‘q qilinishi kerak.&nbsp;&nbsp;Tokzorlarda qishning iliq kunlari janubiy mintaqalardagi ko‘milmaydigan toklarni kesish, shakl berish ishlari olib boriladi. Tokzorlarda ta’mirlash ishlari, ya’ni temir-beton ustunlarni simlarni tortib to‘g‘rilash ishlari bajariladi. Tokzorlar qator oralariga 10–15 tonna go‘ng solib, 25–30 sm chuqurlikda haydaladi.&nbsp;&nbsp;Omborxonalarga uzoq muddatga saqlashga qo‘yilgan meva va uzum mahsuloti har kuni ko‘zdan kechiriladi, haroratning nisbiy namligi nazorat ostida bo‘ladi. Havo harorati 0+5 C°, nisbiy namlik 85–90% bo‘lishi kerak.&nbsp;&nbsp;Agar havo namligi pasayib ketgan bo‘lsa, xonalarga suv sepiladi, tunda derazalar ochilib, haroratni pasaytirishga harakat qilish zarur. Eng asosiysi omborxonalar har hafta oltingugurt yoqib tutatib (dudlanib) turiladi.&nbsp;&nbsp;Meva qoqilari va mayiz saqlanayotgan xonalar albatta yuqorida tavsiya etilganidek har 6–7 kunda oltingugurt bilan dudlanib turiladi. Manba:http://karantin.uz/uz/news/bog-va-tokzorlarda-dekabr-oyida-bajariladigan-agrotexnik-tadbirlar

Qishning birinchi oyi – dekabrda bog‘ va tokzorlarda kuzda bajariladigan ishlar tugallanmagan bo‘lsa, ushbu oyda davom ettiriladi.

Biz haqimizda

Murojaat