Bordo suyuqligini erta bahorda, kurtaklar uygonishidan oldin tinim davrida, mevali daraxtlarga 3% lik konsentratsiyasi (mis kukuni bo&lsquo;yicha) purkaladi. Vegetatsiya yoki o&lsquo;suv davrida gullashdan so&lsquo;ng 1% lik konsentratsiyasini mevali daraxtlar kasalliklariga qarshi ishlatish uchun tavsiya qilinadi. Bordo suyuqligi daraxt tanasiga tekkanda himoya qiluvchi fungitsid vazifasini bajaradi.
&nbsp; &nbsp; Bordo suyuqligini tayyorlash uchun quyidagilar talab etiladi:
- 100 litrli bochka - 1 dona;
- 50 litrli bochka - 2 dona;
- 10 litrli plastmassa chelak - 1 dona;
- 10 litrli metall chelak - 1 dona;
- lakmus qog&lsquo;ozi (har gal tayyorlaganda 1 ta qog&lsquo;oz ishlatiladi) yoki oddiy mix
- yog&lsquo;och kurakcha (eritmani aralashtirish uchun);
- shaxsiy himoya vositasi (qo&lsquo;lqop, ko&lsquo;zoynak, kombenezon, rezina etik, respirator).
Bordo suyuqligini tayyorlash
&nbsp; &nbsp; Bordo suyuqligini tayyorlash uchun mis kukuni va so&lsquo;ndirilmagan ohak talab etiladi. 100 litr 1% li bordo suyuqligini tayyorlash uchun 1 kg mis kukuni va 1 kg so&lsquo;ndirilmagan ohak olinadi. Birinchi, 1 kg mis kukuni plastmassa chelakdagi 60oC haroratdagi 10 litr suvga yog&lsquo;och kurakcha yordamida eritib olinadi.
&nbsp; &nbsp; Eslatma: mis kukuni metallar uchun o&lsquo;yuvchi xususiyatiga ega bo&lsquo;lganligi uchun plastmassa chelakda eritiladi. So&lsquo;ngra plastmassa chelakka 10 litr suv olib, unga 1 kg so&lsquo;ndirilmagan ohak solib, sutga o&lsquo;xshash aralashma hosil bo&lsquo;lguncha aralashtiriladi. Ohak suti sovugandan so&lsquo;ng 0.1 millimetrdan katta bo&lsquo;lmagan elakda suziladi va 100 litrli bo&lsquo;sh bochkaga solib, umumiy suv miqdori 50 litrga yetkaziladi. Shundan so&lsquo;ng tayyorlab olingan 50 litr ohak eritmasi ustiga misli eritma sekin-asta quyilgan holda doimiy aralashtirilib turiladi. Ikkala aralashma ham qo&lsquo;shilayotgan paytda sovuq bo&lsquo;lishi kerak. Mis kuporosi eritmasini temir idishda tayyorlash mumkin emas.
&nbsp; &nbsp;Eslatma: mis eritmasiga ohak kukuni eritmasini quyish kimyoviy reaksiyani buzulishiga olib keladi.
&nbsp; &nbsp;Ma&rsquo;lumot o&lsquo;rnida, 100 litr 3% lik bordo suyuqligini tayyorlash uchun 3 kg mis kukuni va 3 kg so&lsquo;ndirilmagan ohak kerak.
&nbsp; &nbsp;Tayyor bo&lsquo;lgan dorining rangi havorang ko&lsquo;kimtir, kuchsiz ishqoriy yoki neytral reaksiyada bo&lsquo;lishi zarur. Buni aniqlash uchun lakmus qog&lsquo;ozidan foydalaniladi. Agar suyuqlik to&lsquo;g&lsquo;ri tayyorlangan bo&lsquo;lsa, ko&lsquo;k lakmus qog&lsquo;ozni botirsak, u qizarmasligi yoki oddiy mixni botirsak mis gardi yuqmasligi lozim. Eritmada lakmus qog&lsquo;ozi qizarsa, avvalgi holatiga kelgunga qadar ohak suti qo&lsquo;shiladi.
&nbsp; &nbsp;Bu preparat inson va issiq qonli hayvonlar uchun o&lsquo;rtacha zaharli hisoblanadi. Bordo suyuqligi noto&lsquo;g&lsquo;ri ishlatilganda (sovuq nam havoda ishlatilsa yoki issiq paytda) barglarda kuyish alomatlari kuzatilishi va mevalarda esa to&lsquo;rlar singari chiziqlar hosil qilishi mumkin. Bordo suyuqligini mevalarni yig&lsquo;ishtirib olishdan kamida 15 kun oldin ishlatishni to&lsquo;xtatish lozim.
&nbsp; &nbsp;Bordo suyuqligi havo issiq paytida purkalsa, barglarning sarg&lsquo;ayishi va to&lsquo;kilishiga olib kelishi mumkin. Agar o&lsquo;suv davrida bordo suyuqligi purkalgandan so&lsquo;ng 12 soat ichida yomg&lsquo;ir yog&lsquo;sa, barglarni kuydirish ehtimoli bor. Shuning uchun yomg&lsquo;ir yog&lsquo;ish ehtimoli bo&lsquo;lgan vaqtlarda suyuqlikni purkash tavsiya etilmaydi.
&nbsp; &nbsp;Bordo suyuqligini purkab bo&lsquo;lgandan so&lsquo;ng kun oxirida purkash uskunalarini 3 marta suv bilan chayqash kerak. Bu orqali misning purkash uskunalariga bo&lsquo;lgan zararli ta&rsquo;siri oldi olinadi.
&nbsp;
<iframe style="width: 1072px; height: 536px;" src="https://www.youtube.com/embed/c6ZyKKrQIwk" width="1072" height="536" allowfullscreen="allowfullscreen"></iframe>
&nbsp;
<a href="http://karantin.uz/uz/news/bordo-suyuqligi-nima">Manba</a>

Bordo suyuqligi (BS) olma, nok va behida parsha, monilioz va boshqa dog‘lanish kasalliklariga qarshi, uzumda mildyuga qarshi, o‘rik, shaftoli, olxo‘ri, gilos va olchada kokkomikoz, klasterosporioz (teshikchali dog‘lanish), barg bujmayishi, monilioz va cho‘ntakcha kasalliklariga qarshi yuqori samarali fungitsid hisoblanadi.

Biz haqimizda

Murojaat