Ayniqsa, aholi tomonidan kartoshka, sabzi, piyoz, guruch va dukkakli mahsulotlarni saqlash uchun ko‘plab xarid qilinadi. Ushbu mahsulotlarni kuz-qish oylarida sifatli saqlanishida ularga zarar yetkazadigan turli xil hasharot, zararkunanda va kasalliklardan himoya qilish alohida o‘rin tutadi. Bulardan eng xavflisi ombor zararkunandalaridir.&nbsp;&nbsp;Ombor zararkunandalari – don, chorvachilik mahsulotlari va boshqalarni zararlaydigan hasharotlardir. Shuningdek, dala va gʻalla xirmonlarida ham uchraydi. Ushbu zararkunandalar oziq-ovqat mahsulotlari zaxirasini nobud qiladi, donning murtagi va unli qismini yeydi. Natijada gʻalla va boshqa don mahsulotlari uzoq saqlanmaydi, ularning ozuqalik sifatini buzadi, urugʻlarni shikastlab, unuvchanligini keskin kamaytiradi.&nbsp;&nbsp;Zararkunandalar mustaqil ravishda hamda mahsulot tashiladigan idishlar, mahsulotlar hamda ombor anjomlari orqali tarqaladi.&nbsp;&nbsp;Kurash choralari. Har yili yangi hosilni qabul qilish oldidan va zaruratga koʻra, omborlar, bostirmalar, xirmonlar, mahsulot tashiladigan idishlar hamda anjomlarni taʼmirlash, yilda ikki marta — bahor (aprel, may) va yozning oxiri (iyul, avgust)da xlorofos, karbofos va boshqa preparatlar bilan ham dezinseksiyalash, ombor atroflarini toza tutish, chiqindilarni yoqib tashlash yoki yerga koʻmish lozim.&nbsp;&nbsp;Qishloq xo‘jaligi mahsulotlarini sifatli saqlashda avvalambor, mahsulot joylangan ombor va binolarni zararkunandalarga qarshi choralar ko‘rish (fumigatsiya) alohida o‘rin tutadi. Ombor zararkunandalarini yoʻq qilish uchun mahsulot saqlanadigan omborlarni brommetil yoki metilxlorid bilan gazli dezinseksiyalash — fumigatsiya qilish zarur.&nbsp;&nbsp;Bu borada Agentlik hududiy boshqarmalarining shahar va tumanlarga biriktirilgan mutaxassislariga aholi o‘rtasida tushuntirish ishlarini olib borish bo‘yicha alohida vazifalar yuklatilgan.&nbsp;&nbsp;Yana bir muhim jihat, bozorlardan ko‘chatlar, kartoshka yoki sabzavot urug‘lari xarid qilayotgan fuqarolar, fermer xo‘jalik rahbarlari va tomorqa egalari uning tozaligini tasdiqlovchi tegishli laboratoriya xulosasi, ko‘chatlar va boshqa oziq-ovqat mahsulotlari uchun karantin fitosanitariya sertifikatlarini talab qilishlari maqsadga muvofiq. Manba:http://karantin.uz/uz/news/omborlar-zararkunandalaridan-saqlaning

Ma’lumki, har bir xonadon egasi iste’mol uchun zarur bo‘lgan meva-sabzavotlar, poliz va boshqa zaruriy oziq-ovqat mahsulotlari zaxirasini shakllantirish hamda ularni bezarar saqlash choralarini ko‘radi.

Biz haqimizda

Xizmatlar

Foydali ma'lumotlar

Murojaat