Bu borada joriy yilda aholini bug&lsquo;doy va un mahsulotlari bilan barqaror ta&rsquo;minlash maqsadida respublikamizda 1 mln. 27 ming gektar yer maydonida bug&lsquo;doy ekildi, natijada joriy yilning iyun-iyul oylarida 7 mln. 679 ming tonna hosil yetishtirish rejalashtirilgan. Bu ko&lsquo;rsatkich o&lsquo;tgan yilga nisbatan 1 million tonnaga ko&lsquo;p.
Shuningdek, 2021 yil bug&lsquo;doy hosilida 6 mln. 656 ming tonna bug&lsquo;doy yetishtirilgan bo&lsquo;lib, shundan 2 mln. 533 ming tonnasi respublika don zaxiralari uchun &laquo;O&lsquo;zdonmahsulot&raquo; AJ hududiy korxonalarida jamg&lsquo;arilgan, 4 mln. 123 ming tonnasi fermer va aholi ixtiyorida qolgan.
O&lsquo;tgan yil yakuniga qadar 2 mln. 771 ming tonna bug&lsquo;doy doni va 357,7 ming tonna un xususiy sektor tomonidan asosan Qozog&lsquo;iston Respublikasidan import qilingan hamda 26,8 ming tonna bug&lsquo;doy doni (Tojikiston Respublikasiga 94% va Qirg&lsquo;iziston Respublikasiga 6%) va 949,1 ming tonna un (1 mln. 265 ming tonna bug&lsquo;doy hisobida) Afg&lsquo;oniston Islom Respublikasiga eksport uchun yo&lsquo;naltirilgan.
2022 yilda aholini shakar mahsulotlari bilan kafolatli ta&rsquo;minlash maqsadida respublikamizda 600 ming tonna mahsulot ishlab chiqarish rejalashtirilgan.
Shuningdek, 2021 yilda 595,5 ming tonna shakar (2020 yilga nisbatan 315,1%) &laquo;Angren shakar&raquo; MCHJ va &laquo;Xorazm shakar&raquo; MCHJ korxonalari tomonidan ishlab chiqarildi.
Mazkur korxonalar tomonidan 2021 yil va 2022 yil yanvar-fevral oylarida tovar xomashyo birjasiga aholi ehtiyojini qoplash maqsadida har oyda 30 ming tonnadan kam bo&lsquo;lmagan miqdorda shakar savdoga qo&lsquo;yilgan.
O&lsquo;tgan yil yakuniga qadar 23 ming tonna shakar (o&lsquo;tgan davrga nisbatan 344 ming tonnaga kamaygan) va 620 ming tonna shakar xomashyosi (o&lsquo;tgan davrga nisbatan 423 ming tonnaga oshgan) Braziliyadan import qilingan va 25 tonna shakar Afg&lsquo;oniston Islom Respublikasiga eksportga yo&lsquo;naltirilgan. Rossiya Federatsiyasi tomonidan qo&lsquo;yilgan cheklovlar ta&rsquo;sir qilmaydi.
Qayd etish kerakki, Prezidentning PQ&ndash;3818-son qaroriga ko&lsquo;ra oq shakar importiga bojxona qiymatining 20 foiz miqdorda bojxona boji stavkasi hamda Soliq kodeksining 289-moddasiga asosan 20 foiz miqdorda aksiz solig&lsquo;i undirilishi belgilangan.
2022 yil mart-may oylarida ta&rsquo;minotchilardan yana qariyb 180 ming tonna xomashyo yetib keladi. Bundan tashqari joriy yil iyun-oktyabr oylarida 200 ming tonna shakar xomashyosi olib kelish rejalashtirilgan.
Yuqoridagilardan kelib chiqqan holda, respublikada aholi va korxonalarning talabini uzluksiz, yetarli miqdorda va barqaror narxlarda bug&lsquo;doy, un, shakar mahsulotlari bilan ta&rsquo;minlash hamda ichki bozorlarda narxlarning keskin o&lsquo;zgarishining oldini olish to&lsquo;liq ta&rsquo;minlangan.
&nbsp;
<a href="https://uza.uz/oz/posts/qishloq-xojaligi-vazirligi-2022-yilda-respublikada-bugdoy-va-shakar-mahsulotlarida-barqarorlik-taminlanadi_355498">Manba</a>

Mamlakatimizda aholini oziq-ovqat xavfsizligi bilan ta’minlash, ichki bozorda talab yuqori bo‘lgan mahsulotlarni yetishtirish, zarur zaxiralarni shakllantirish muhim ahamiyatga ega.

Biz haqimizda

Murojaat