Quvaliklar haqida so&lsquo;z borganda, mirishkorligi, yer bilan tillasha olishi faxr bilan tilga olinadi. Kelgan mehmon oldiga albatta, anor qo&lsquo;yiladi. Keyingi paytda ko&lsquo;chatchilikda katta tajriba maktabi yaratildi, millionlab ko&lsquo;chatlar mamlakatimiz hududlariga, jumladan, xorijga ham yetkazib berilyapti. Ayni kunlarda 25 mingdan ortiq xonadondagi tomorqalarda manzarali va mevali ko&lsquo;chatlar yetishtirilmoqda. Bugun tumanga kirib kelarkansiz, yo&lsquo;l chetlarida ko&lsquo;chat savdosiga guvoh bo&lsquo;lasiz. Xorijga otlanayotgan yuk mashinalarini uchratasiz. Tumanning aksariyat mahallalari bog&lsquo;dorchilik, ko&lsquo;chat yetishtirish bilan mashg&lsquo;ul. Ularning ichida &ldquo;Qoraqum&rdquo; mahalla fuqarolar yig&lsquo;ini eng peshqadami.
Bu hududda 1 ming 135 xonadonda 5 yarim mingga yaqin aholi istiqomat qilayotgan bo&lsquo;lib, har bir tomorqada ko&lsquo;chatchilik yoki gulchilik yo&lsquo;lga qo&lsquo;yilgan. 80 gektardan ortiq aholi tomorqalarida to&lsquo;rt faslda ham ish qizg&lsquo;in. Mamlakatimizda &ldquo;Yashil makon&rdquo; umummilliy loyihasining e&rsquo;lon qilinganligi qoraqumliklarni hammadan ko&lsquo;ra quvontirgani rost. Chunki ular yetishtirayotgan ko&lsquo;chatlar yurtni yanada obod qilib, yashillikka burkaydi.
Mahallada yetishtirilgan ko&lsquo;chatlar nafaqat vodiy viloyatlariga, balki O&lsquo;zbekistonning barcha tuman-shaharlariga va hatto Qozog&lsquo;iston, Turkmaniston, Qirg&lsquo;iziston hamda Rossiyaga ham yuborilmoqda. Akbarjon Eminov esini tanibdiki, ko&lsquo;chatchilik bilan shug&lsquo;ullanadi. 15 sotix tomorqasida mevali va manzarali ko&lsquo;chatlarning o&lsquo;ndan ortiq turi bor. U gulchilikni ham yo&lsquo;lga qo&lsquo;ygan. E&rsquo;tiborli jihati, hovlisida 6 xil nok daraxti bo&lsquo;lib, shuning o&lsquo;zida yilida o&lsquo;rtacha 40 million so&lsquo;m daromad oladi.
&ndash; Ko&lsquo;chat yoki gulning ko&lsquo;plab turlarini yetishtirishga harakat qilyapmiz, &ndash;deydi Akbarjon aka. &ndash; Qayerda yangi nav borligini eshitib qolsak, uni olib kelib, parvarishlaymiz. O&lsquo;rtacha mavsumda o&lsquo;n mingdan ortiq ko&lsquo;chat yetishtiramiz. Shuni orqasidan qizlarni turmushga uzatdik, mashinalar oldik.
Qoraqumda tomorqasi bor odam hech qachon ishsiz yoki daromadsiz qolmaydi. Bu orqali ko&lsquo;plab aholi o&lsquo;zini o&lsquo;zi band qilib, mehnat stajiga ega bo&lsquo;lmoqda. Ilg&lsquo;or Qoraboyev ana shunday mehnatkash yurtdoshlarimizdan biri. U ancha vaqt ishsiz yurdi. Bugunga kelib esa tomorqachilikda o&lsquo;zini o&lsquo;zini band etib, gul yetishtirmoqda. Uning tomorqasida atirgulning o&lsquo;ndan ortiq turlari bor. Ilg&lsquo;or akaning aytishicha, farzandining kontraktini to&lsquo;lash uchun bu yil atirgul ko&lsquo;chatlarini ertaroq sotishga to&lsquo;g&lsquo;ri keldi. Atirgullarni yetishtirish uchun ikki yil vaqt kerak bo&lsquo;lar ekan. Salvidor, belovita, monika, qora magiya kabi navlari xaridorgir.
&ndash; Qishlog&lsquo;imizda birorta bekor o&lsquo;tirgan odamni uchratmaysiz, &ndash; deydi &ldquo;Qoraqum&rdquo; mahalla fuqarolar yig&lsquo;ini raisi Hamidjon Turg&lsquo;unov. &ndash; Hamma tomorqasidagi ishlar bilan band. Aholining asosiy daromadi ko&lsquo;chatchilikdan. Mehnat va harakat qilgan oilalar bir mavsumda 30 milliondan 300 million so&lsquo;mgacha daromad oladi. Mahallamizda har yili 4 million donadan ortiq mevali, manzarali va gul ko&lsquo;chatlari yetishtiriladi. Bahodirjon Shermatov, Faxriddin Sobirov, Rustam Qurbonov, Muzaffar Madrahimov ko&lsquo;chatchilikda katta tajribaga ega. Hududimizda 2 ta gulchilik kooperatsiyasi tashkil etilmoqda. Bu orqali ko&lsquo;plab fuqarolarimizning bandligi ta&rsquo;minlanadi.
Ha, ko&lsquo;chatlik yaxshi daromad manbai. Buni mazkur mahalla misolida yaqqol ko&lsquo;rish mumkin.
&nbsp;
<a href="https://uza.uz/oz/posts/quva-tajribasi-kochatchilik-va-gulchilik-yaxshi-daromad-manbai_355272">Manba</a>

Quva tumani nafaqat, Farg‘ona viloyatida balki yurtimizda aholi xonadonlarida mevali-manzarali daraxt, buta va gul ko‘chatlari yetishtirishi bilan mashhur.
Bugungi kunda 40 million donadan ortiq turli ko‘chatlarning zaxirasi bo‘lib, ko‘plab oilalar bu yumush bilan shug‘ullanmoqda.

Biz haqimizda

Murojaat