Eslatib o’tamiz, joriy yilning iyul oyida <a href="https://fsvps.gov.ru/fsvps/news/45659.html" rel="noopener noreferrer" target="_blank">Rosselxoznadzor</a> Toshkent viloyatida yetishtirilgan pomidor va qalampir mahsulotlarida “Pomidor jigarrang bujmayish virusi” - (Tomato brown fruit virus) va “Pepino mozaikasi virusi” (Pepino mosaic virus) kasalligi aniqlanganligi bois, ularni Rossiya Federatsiyasiga olib kirilishi uchun vaqtinchalik taqiq qo‘yilgan edi. Mazkur vaqtinchalik cheklov va uni bartaraf etish yuzasidan <a href="http://karantin.uz/uz/news/-rosselxoznadzor-toshkent-viloyatidagi-6-ta-issiqxonadan-pomidor-importini-qayta-tikladi" rel="noopener noreferrer" target="_blank">O‘simliklar karantini va himoyasi agentligi</a> hamda Rosselxoznadzor vakillari o‘rtasida bo‘lib o‘tgan muzokaralar natijasida Toshkent viloyatidan Rossiya Federatsiyasiga pomidor va qalampir mahsulotlarini eksport qilinishi ruxsat etilgan issiqxona hamda dala maydonlarining ro‘yxati qayta shakllantirildi va Rossiya tomoni bilan hamkorlikda videoinspeksiya o‘tkazilishi kelishildi.Shu maqsadda joriy yil oktabr oyida Toshkent viloyatining Qibray, Ohangaron, O‘rta Chirchiq hamda Bo‘ka tumanlaridagi mavjud yirik hajmdagi eksportga yo‘naltirilgan 8 ta issiqxonalarda Agentlik mutaxassislari tomonidan Rosselxoznadzor vakillari ishtirokida onlayn tarzda videoinspeksiya tashkil etildi.Videoinspeksiya jarayonida olingan namunalar belgilangan tartibda Markaziy karantin laboratoriyasiga jo‘natilib, fitosanitar holati tozaligi aniqlandi. Shuningdek, namunalarning bir qismi Rosselxoznadzor vakolatli organiga maxsus ZIP paketida tamg‘alangan holda yuborildi. Ushbu o‘tkazilgan videoinspeksiya natijasida Rosselxoznadzor tomonidan Toshkent viloyatida yetishtirilgan pomidor mahsulotlariga vaqtinchalik o‘rnatilgan taqiq (cheklov) bekor qilindi.

Rosselxoznadzor 2021-yil 15-noyabrdan boshlab Toshkent viloyatining 6 ta issiqxonasi – "Agro Light" MChJ, “Angren Istiqlol Baraka” MChJ, “Angren agro gold invest” MCHJ, “Sevar Shaxnoz Baraka” MChJ, “Samarali Savdo Niyat” MChJ hamda “TNA Agroinvest” MChJlar tomonidan Rossiyaga pomidor yetkazib berishga ruxsat berdi. Bu haqdagi ma’lumot Rosselxoznadzorning rasmiy saytida e’lon qilindi.

Biz haqimizda

Murojaat