O&lsquo;tgan yili Ukraina 2,7 million kub metrdan ortiq pilomateriallar eksport qilgan edi. Uning muhim qismi keyinchalik Fransiya, Germaniya, Italiya, Gollandiya va Pol'shada yog&lsquo;och palletlar, qadoqlash materiallarini ishlab chiqarish uchun ishlatilgan. Ukraina, shuningdek, mustaqil ravishda 15 millionga yaqin o&lsquo;z palletlarini ishlab chiqardi va Yevropa mamlakatlariga eksport qildi.
FEFPEBda qayd etilishicha, Ukrainadagi urush va pilomateriallar ishlab chiqarishning to&lsquo;xtatilishi Vengriya, Italiya va Germaniyadagi pallet ishlab chiqaruvchilar uchun salbiy oqibatlarni keltirib chiqaradi (bular Ukrainadan pilomateriallar import qiluvchi Top-3 mamlakat). Bundan tashqari, bu holat butun Yevropaga bilvosita salbiy ta'sir ko&lsquo;rsatishi aniq, chunki, bozorda muvozanat buzilib, qadoqlash materiallari narxi ko&lsquo;tariladi.
Ukrainadan yetkazib berish to&lsquo;xtatilishi bilan birga, Yevropa Ittifoqining yog&lsquo;och palletlar va qadoqlash materiallari bozori har yili taxminan 7,6 million kubometr mahsulot yetkazib beruvchi RF va Belarusdan import bilan bog&lsquo;liq qiyinchiliklarga ham duch keladi (asosan, Estoniya, Germaniya va Finlyandiyaga).
Biroq, FEFPEB Rossiya va Belarusga nisbatan savdo sanksiyalarini qo&lsquo;llab-quvvatlashini aytdi. Vaholanki, ba'zi Yevropa Ittifoqi mamlakatlari Rossiya, Belarus va Ukrainaning palletlar ishlab chiqarish uchun materiallar yetkazib berishiga deyarli chorak hissa qaramdir. Skandinaviya, Germaniya va Boltiqbo&lsquo;yi davlatlarining muqobil yetkazib beruvchilari hozircha yuzaga kelishi mumkin bo&lsquo;lgan taqchillikni to&lsquo;liq qoplashga qodir emas.
Energiya inqirozi ham olovga moy sepgandek muammoni avj oldirmoqda. Bu Yevropada yoqilg&lsquo;i narxi deyarli uchdan bir hissaga ko&lsquo;tarilishiga olib keldi va bir barrel' neft narxi 110 dollarga yetdi. &nbsp;Bularning bari global transport inqirozi, ishchi kuchi va tovarlar taqchilligi, belgilangan logistika yo&lsquo;nalishlari buzilishi kabi sanoat va iqtisodiyotdagi uzoq vaqtdan beri mavjud muammolar qatoriga qo&lsquo;shilmoqda.
&nbsp;
<a href="https://east-fruit.com/uz/yangiliklar/rossiya-va-ukraina-urushi-evropada-palletlar-taqchilligiga-olib-kelmoqda/">Manba</a>

Yevropa yog‘och pallet ishlab chiqaruvchilar va qadoqlovchilar federatsiyasi (FEFPEB) yaqinda qilgan murojaatida kelgusi haftalar Yevropa bozorida yog‘och palletlar hamda qadoqlash mahsulotlari taqchilligi yuzaga kelishi mumkinligini aytdi.

Biz haqimizda

Murojaat