<a href="https://lex.uz/uz/pdfs/5884584">Qarorga koʻra</a>, 2022-yilda&nbsp;478 ming gektar maydonda suvni tejaydigan texnologiyalarni joriy qilish&nbsp;orqali suvdan foydalanish samaradorligi oshiriladi.
Shunga koʻra,&nbsp;2022-yil yakunigacha&nbsp;respublika boʻyicha kamida:
<ul>
<li>230 ming gektar, shu jumladan,&nbsp;160 ming gektar&nbsp;paxta yetishtiriladigan maydonlarda&nbsp;tomchilatib sugʻorish;</li>
<li>28 ming gektar,&nbsp;shu jumladan,&nbsp;25 ming gektar&nbsp;boshoqli don yetishtiriladigan maydonlarda&nbsp;yomgʻirlatib sugʻorish;</li>
<li>2 ming gektar&nbsp;qishloq xoʻjaligi ekin maydonlarida&nbsp;diskretli sugʻorish&nbsp;tizimlari joriy qilinadi;</li>
<li>218 ming gektar&nbsp;ekin maydonlari&nbsp;lazerli uskuna yordamida tekislanadi.</li>
</ul>
Qarorga muvofiq, 2022-yildan sugʻorish texnologiyalarini joriy etish boʻyicha xarajatlarning bir qismini qoplash uchun,&nbsp;jumladan,&nbsp;tomchilatib sugʻoriladigan ekin maydonining har bir gektariga&nbsp;quyidagi miqdorda subsidiyalar beriladi:
<ul>
<li>paxta maydonlari uchun &ndash;&nbsp;8 mln soʻm&nbsp;(Qoraqalpogʻiston Respublikasi va Xorazm viloyatidagi paxta maydonlarida joriy etilgan tomchilatib sugʻorish tizimlari uchun 12 mln soʻm);</li>
<li>sabzavot ekinlari va kartoshka ekin maydonlari uchun &ndash;&nbsp;1,5 mln soʻm;</li>
<li>poliz ekinlari maydonlari uchun &ndash;&nbsp;1,3 mln soʻm;</li>
<li>ozuqabop, moyli, dukkakli ekinlar va dorivor oʻsimliklar uchun &ndash;&nbsp;2,5 mln soʻm;</li>
<li>mevali ekinlar uchun &ndash;&nbsp;6 mln soʻm;</li>
<li>uzum maydonlari uchun &ndash;&nbsp;8 mln soʻm.</li>
</ul>
Subsidiya mablagʻlari, hisob-kitob qilingan summaning:
<ul>
<li>50 foizi&nbsp;tizim joriy qilingan yili ajratiladi;</li>
<li>50 foizi&nbsp;kelgusi yili hosildorlik oshishi va uskunalarning ishlatilishiga qarab ajratiladi;</li>
<li>qoʻshimcha 20 foizi&nbsp;uchinchi yilda joriy qilingan tizimni ishlatgan holda yuqori hosildorlikni saqlab qolgan paxta, gʻalla va meva-sabzavot klasterlariga toʻlab beriladi.</li>
</ul>
Subsidiya mablagʻlari joriy qilingan suvni tejaydigan sugʻorish tizimlari kamida&nbsp;5 yil ishlatilishi sharti bilan&nbsp;ajratiladi.
Suvni tejaydigan texnologiyalar joriy qilingan yer maydonlari kamida&nbsp;5 yil mobaynida maqbullashtirilmaydi, yer uchastkasi yoki uning bir qismi davlat va jamoat ehtiyojlari uchun olib qoʻyilishiga yerdan foydalanuvchi roziligi asosida sarf etilgan mablagʻlarning&nbsp;oʻrni toʻliq qoplanganidan soʻnggina ruxsat etiladi.
2022-yilda suvni tejaydigan texnologiyalarni joriy etishni qoʻllab-quvvatlash uchun respublika byudjetidan&nbsp;1 182,4 milliard soʻm mablagʻ ajratiladi.
Qarorga koʻra,&nbsp;&ldquo;Tomchi-reestr&rdquo; pudrat korxonalarining yagona elektron reyestri&nbsp;ishlab chiqiladi.
2022-yil 10-martgacha&nbsp;suvni tejaydigan texnologiyalarni joriy qilgan qishloq xoʻjaligi mahsulotlari ishlab chiqaruvchilarga subsidiyalar berish yuzasidan tegishli materiallarni toʻplash, koʻrib chiqish hamda vakolatli organ va tashkilotlar bilan kelishishning&nbsp;&ldquo;Agro-subsidiya&rdquo;&nbsp;yagona axborot tizimi&nbsp;joriy qilinadi.
&nbsp;
<a href="https://yuz.uz/uz/news/cuvni-tejaydigan-sugorish-texnologiyalarini-joriy-etishga-subsidiyalar-beriladi">Manba</a>

“Qishloq xoʻjaligida suvni tejaydigan texnologiyalarni joriy etishni yanada takomillashtirish chora-tadbirlari toʻgʻrisida”gi Prezident qarori (PQ–144-son, 01.03.2022-y.) qabul qilindi.

Biz haqimizda

Murojaat