&nbsp; &nbsp;2021 yilda Rossiya meva-sabzavotlar importini yana bir bor oshirdi. Import o&lsquo;sishi 3,4 foizni tashkil etib, hajm jihatidan 7,6 milliard dollarga yetdi. Mamlakat aholisining real daromadlari pasayishda davom etgan so&lsquo;nggi besh yil ichida Rossiyaga importning o&lsquo;rtacha yillik o&lsquo;sish sur'ati yiliga 5,6%ni tashkil etdi. &nbsp;Har yili Rossiya importyorlari xorijdan olib kelinadigan sabzavot, meva, rezavor va yong&lsquo;oqlar xaridini 415 million dollarga oshirishdi.
Ushbu ko&lsquo;rsatkichlar Rossiya hukumatining aholini mahalliy yetishtirilgan sabzavot va mevalar bilan ta'minlashda mustaqillikka erishish uchun subsidiyalash bo&lsquo;yicha sa'y-harakatlari juda past samara berganligini tasdiqlaydi. Shubhasiz, bozor raqobatini cheklash raqobatbardoshligi past &nbsp;korxonalar vujudga kelishini rag&lsquo;batlantiradi, bunday korxonalar hatto import uchun noqulay sharoitlarda ham xorij mahsulotlari bilan raqobatda yutqazadi.
&nbsp; &nbsp;Ushbu xulosaning yana bir tasdig&lsquo;i &ndash; Rossiya bozorida bu mavsum an'anaviy sabzavotlarning deyarli barcha turlari uchun rekord darajadagi yuqori narxlardir. Shu bilan birga, sabzavot va mevalarning bir xil pozisiyalari uchun ulgurji narxlar (karam, kartoshka, piyoz, olma, lavlagi, sabzi va boshqalar) Yevropa Ittifoqining qo&lsquo;shni mamlakatlarida va Ukrainada sezilarli darajada va ko&lsquo;pincha, hatto bir necha barobar past.
&nbsp; &nbsp;Rossiyalik iste'molchilar &nbsp;meva-sabzavotlarga mintaqa bo&lsquo;yicha eng yuqori narxlarni to&lsquo;lashidan tashqari, bu narx davlatning mahalliy meva-sabzavot yetishtirishni subsidiyalash uchun aholi soliqlaridan olgan o&lsquo;nlab milliard dollarlarini aks ettirmayapti. Shu sababli, Rossiyada iste'molchi ushbu sabzavot va mevalar uchun to&lsquo;laydigan haqiqiy narx rekord darajadagi narx nominal narxdan anchayin yuqori.
&nbsp; &nbsp;So&lsquo;nggi 5 yil ichida Rossiyaga olma importi 8 foizga o&lsquo;sdi &ndash; bu mamlakatda yetishtirilmaydigan ekzotik banan importidan ham sezilarli darajada yuqori o&lsquo;sishdir! Eng qizig&lsquo;i, rossiyalik bog&lsquo;bonlar davlatdan subsidiyalar olgani, rubl qadrsizlangani va olma eksporti bo&lsquo;yicha jahonda yetakchi bo&lsquo;lgan Yevropa Ittifoqi mamlakatlari, Xitoy va AQSh bu mevalarni Rossiya bozoriga yetkazib berish imkoniyatiga ega emasligiga qaramay shunday bo&lsquo;ldi!
&nbsp; &nbsp;Shuni ham qayd etish joizki, Rossiyaga kartoshka importi 2021 yilda besh yil avvalgiga nisbatan ikki barobar oshgan. Xuddi shu davrda tarvuz importi besh barobar oshdi, vaholanki, Rossiya ilgari tarvuzning eksportyori bo&lsquo;lgan! Gilos importi 63 foizga, qulupnay va qovoq importi ikki barobarga oshdi.
&nbsp; &nbsp;Matbuotda issiqxona texnologiyalaridagi ulkan yutuqlar va Rossiyada issiqxona sabzavotlarini yetishtirishning doimiy o&lsquo;sishi haqida ko&lsquo;plab xabarlar mavjud. Buni inkor etish qiyin, albatta. Ammo, mazkur sohani qo&lsquo;llab-quvvatlash uchun byudjetdan qancha katta mablag&lsquo; sarflanishini hisobga olsak, 5 yil ichida pomidor importining jismoniy jihatdan atigi 1 foizga kamaygani va importning qiymat jihatidan 6 foizga oshganini katta yutuq deb atash to&lsquo;g&lsquo;ri bo&lsquo;lmaydi. Albatta, bodring bilan bog&lsquo;liq ishlar ancha yaxshi, lekin bodring issiqxona pomidorlari bilan solishtirilganda, katta hajmda eksport yoki import qilinmaydigan mahalliy mahsulotdir. Issiqxona sabzavotlarining uchinchi muhim turi bo&lsquo;lmish qalampirni oladigan bo&lsquo;lsak, so&lsquo;nggi besh yilda uning importi 54 foizga o&lsquo;sgan.
&nbsp; &nbsp;Rossiya tobora kattaroq miqdorda import qilishda davom etayotgan an'anaviy sabzavot va mevalarga qo&lsquo;shimcha ravishda &nbsp;mamlakat iste'molchilarining bu yerda yetishtirilmaydigan ekzotik mahsulotlar va Rossiya Federatsiyasida iqlim sabablariga ko&lsquo;ra, yetishtirish cheklangan meva- sabzavotlarga qiziqishi tobora ortib bormoqda. Xuddi shu davrda xo&lsquo;raki uzum, sarxil va muzlatilgan rezavorlar importi ikki barobar oshdi. Rossiyaga xurmo importi 71 foizga, gilos 63 foizga, ananas 69 foizga, mango yetti barobardan ko&lsquo;proq, qovun uch barobardan ko&lsquo;proq oshdi va hokazo.
&nbsp; &nbsp;Rossiyaning meva-sabzavot sektoridagi bunday siyosatidan asosiy manfaatdorlar kim? &nbsp;Avvalo, bu mazkur mamlakat bozoriga meva-sabzavot mahsulotlarining 17% dan ortig&lsquo;ini yetkazib beruvchi Turkiyadir. Eronlik meva-sabzavot eksportyorlari ham yetkazib berish hajmini yuqori sur'atlarda oshirmoqda. &nbsp;Turli hisob-kitoblarga ko&lsquo;ra, Eron ulushi Rossiya import qiladigan meva-sabzavotlarning taxminan 15 foiziga to&lsquo;g&lsquo;ri keladi. &nbsp;Boshqa benefisiarlar &ndash; &nbsp;Misr, Xitoy, O&lsquo;zbekiston, Janubiy Afrika, Belarus, Moldova va Isroildir. &nbsp;Shuningdek, Gruziya ham Rossiya Federatsiyasiga sabzavot va mevalar yetkazib berishdan oladigan daromadlarini tez sur'atlar bilan oshirmoqda.
&nbsp;
<a href="https://east-fruit.com/uz/yangiliklar/kop-milliard-dollarlik-subsidiya-va-embargolarga-qaramay-rossiyada-meva-sabzavot-importi-osishda-davom-etmoqda/">Manba</a>

Rossiyada ko‘p milliardlik subsidiyalar joriy etilayotgan va yetakchi ishlab chiqaruvchi mamlakatlarning yetkazib beruvchilari bozorga kirishi deyarli butunlay cheklab qo‘yilgan bo‘lsa-da, mahalliy meva-sabzavot yetishtirishni rag‘batlantirish borasidagi chora-tadbirlar samaradorligi juda past darajada qolmoqda. Rossiya valyutasi deval'vasiyasi va mamlakat aholisining real daromadlari stagnasiyasi davom etayotganiga qaramay, Rossiyaga meva-sabzavotlar importi o‘sishda davom etyapti!

Biz haqimizda

Murojaat