O‘zbekiston o‘rik, olxo‘ri, uzum, yong‘oq, karam va boshqa ko‘plab meva va sabzavot mahsulotlarini eksport qilish hajmi bo‘yicha dunyodagi o‘nta yetakchi davlat qatorida turadi.Jumladan, Samarqand tumanida joylashgan “AGROSOY PLAST” MCHJ ham o‘z hududida 220 gektar maydonda yetishtirayotgan qishloq xo‘jalik mahsulotlarini qayta ishlab, tashqi bozorlarga eksport qilmoqda.&nbsp;&nbsp;Joriy yilning 20-dekabr kuni Samarqand viloyat O‘simliklar karantini va himoyasi boshqarmasi inspektorlari va agronom-entomologlari ushbu korxonadan eksportga yo‘naltirilayotgan gulkaram mahsulotlarini karantin nazoratidan o‘tkazishdi. “AGROSOY PLAST” MCHJ o‘z hududida yetishtirgan ushbu mahsulotlarda karantin obyekti aniqlanmadi.&nbsp;&nbsp;“AGROSOY PLAST” MCHJ 2017-yilda tashkil topgan bo‘lib, ushbu korxona qishloq xo‘jalik mahsulotlarini qayta ishlab eksport qilishga yo‘naltirilgan.&nbsp;&nbsp;Korxonada 2019-yil 350 000 tonna, 2020-yil 2 050 tonna, 2021-yil 3 500 tonna tayyor qishloq xo‘jalik mahsulotlari shok holatda muzlatilib, qadoqlangan holda tashqi bozorga eksport qilindi.&nbsp;&nbsp;Bugungi kunda mahsulotlarning 90 foizi Rossiya Federatsiyasiga, qolgan 20 foizi Yevropa davlatlariga eksport qilinadi. Shuningdek, Polsha davlatiga 200 tonna mahsulot shartnoma asosida yetkazib berilmoqda.2022-yil fevral oyidan boshlab ko‘pgina Yevropa davlatlari bilan shartnoma tuzish maqsadi qo‘yilgan. Gulkaram, brokolli, bulg‘or qalampiri, shirin makkajo‘xori, piyoz, sabzi, selder, no‘xat, loviya, oshqovoq, olcha, gilos kabi mahsulotlar 95 darajali issiq par bilan 1-2 daqiqa pishirilib, qayta ishlanadi, keyin esa shok holatiga keltirilib muzlatgichda saqlanib, buyurtma asosida yetkazib beriladi.&nbsp;&nbsp;Pishirilgan mahsulot -26 daraja sovuqlikdagi muzlatgichga shok holatiga keltiriladi, keyin esa qadoqlanadi. Qadoqlangan mahsulot -30-40 darajali muzlatgichda saqlanadi. So‘ngra mahsulot yuk mashinalarida -21 darajali rejimda so‘ralgan joyga yetkazib beriladi.&nbsp;&nbsp;&nbsp;Hozirgi kunda zavodda 30 kishi doimiy ish bilan ta’minlangan bo‘lib, 2020-yilda 1 475 000 AQSH&nbsp;dollari, 2021-yilda esa 2 600 000 AQSH dollariga teng mahsulotlar eksport qilingan.&nbsp;&nbsp;Aytish joizki, “AGROSOY PLAST” MCHJda bir kunda 60-70 tonna, yiliga 10-12 ming tonna qishloq xo‘jalik mahsulotlari qayta ishlanib eksportga yo‘naltirilmoqda.&nbsp;&nbsp;Samarqandda eksport salohiyatining ortishida viloyat O‘simliklar karantini va himoyasi boshqarmasi xodimlarining hissasi yuqori. Chunki, katta hajmda eksport qilinayotgan har bir qishloq xo‘jalik mahsulotlari O‘simliklar karantini inspektorlari va agronom-entomologlari tomonidan ichki fitosanitar karantin nazoratidan o‘tkaziladi, eksportga yo‘naltirilayotgan mahsulotda karantin obyektlari aniqlanmagan taqdirdagina ichki sertifikat taqdim etilib, keyin esa shu asosda tadbirkor xalqaro sertifikatni qo‘lga kiritib, mahsulotini tashqi bozorga yo‘naltiradi. Manba:http://karantin.uz/uz/news/qishloq-xojalik-mahsulotlarini-eksport-qilish-hajmi-boyicha-ozbekiston-dunyodagi-onta-yetakchi-davlatlar-qatorida

So‘nggi uch yilda tashqi bozorga yo‘naltirilayotgan qishloq xo‘jaligi mahsulotlari hajmi uch baravarga oshdi. Mamlakatimiz dunyoning 22 davlatiga 180 turdan ortiq sarxil meva-sabzavot va ularni qayta ishlash asosida tayyorlangan mahsulotlarni eksport qilayotir.

Biz haqimizda

Murojaat